Postuar më: 14/03/2014

Ministrat e Financave Shqipëri-Kosovë: Fushat ku do të forcohet bashkëpunimi

Më datë 14 mars, Ministri i Financave, z.Shkëlqim Cani priti në zyrën e tij, homologun kosovar, z.Besim Beqaj, në kuadër të takimeve të zhvilluara më herët mes dy ministrave  dhe grupeve teknike në Prishtinë.

 

Thelbi i diskutimeve ishte forcimi i bashkëpunimit mes dy vendeve, identifikimi i barrierave tregtare dhe sheshimin e problemeve.

 

Në mënyrë të veçantë, z.Cani dhe z.Beqaj diskutuan për heqjen e tatimit të dyfishtë dhe TVSH-në e librit. Në parim të dyja vendet, me grupet teknike të ministrive kanë rënë dakord. Tashmë pritet miratimi i marrëveshjeve në qeveri, për t’ia kaluar për aprovim final kuvendit.

 

Të tjera çështje me rëndësi të diskutuara ishin:

  • Lufta e përbashkët ndaj evazionit fiskal,
  • Bashkëpunimin veçanërisht në fushën e doganave dhe tatimeve, me synim uljen e kostos administrative ndaj biznesit të të dyja vëndeve,
  • Krijimin e grupeve të punës për një përafrim gradual ligjor dhe institucional në kuadrin e hyrjes të të dyja vëndeve në BE,
  • Organizimin e këshillave konsultative të përbashkëta me biznesin

Të rejat e fundit